საპროექტო არეალი მდებარეობს წყალტუბოს რაიონში, სოფელ მაღლაკში. ტერიტორიის რელიეფი თითქმის სწორია, მას სამი მხრიდან მიუყვება მეორეხარისხოვანი გრუნტის გზა, ხოლო სამხრეთ მხარეს ესაზღვრება სამეზობლო მიწის ნაკვეთი. არსებული მდგომარეობით ტერიტორია არის 8000 კვ.მ. გარკვეული ნაწილი მოხმარდება შიდა საავტომობილო გზის მოწყობას
პროექტის მთავარი დავალება იყო მყუდრო დასახლების კონცეფციის შემუშავება, რომელიც შეიძლება იყოს როგორც მუდმივი, ასევე სააგარაკე დასასვენებელი ფუნქციის. განაშენიანების ძირითად სახეობაში შეგვხვდება ერთსართულიანი სახლები თავისი ეზოებითა და მოსასვენებელი სივრცებით. ყველა სახლი გარედან ერთნაირია, შიდა სივრცეების გადაკეთების შესაძლებლობით
ტერიტორია დაიყოფა ძირითად 8 ნაკვეთად, აქედან 7 იქნება საცხოვრებელი ფუნქციის. მერვე ნაკვეთი, რომელიც მდებარეობს სამხრეთ-აღმოსავლეთ ნაწილში, იქნება საერთო მოხმარების, სადაც მოეწყობა რეკრეაციული სივრცე ბაღებითა და სათამაშო მოედნით. სარეკრეაციო სივრცე მისაწვდომი იქნება მხოლოდ აღნიშნული ტერიტორიის მაცხოვრებლებისთვის
პროექტის დეტალები
დასახლება გათვლილია ბავშვებიან ოჯახებზე. მნიშვნელოვანი იყო ასევე სამეზობლო (ქართული) ურთიერთობების გაჩენაც, რის გამოც ნაკვეთები ერთმანეთისგან გამოვყავით დაბალი ღობეებით, რაც წაახალისებს მეგობრული ურთიერთობების შექმნას. დასახლების სტრუქტურაში სახლი თითქმის შუაში დგას, გზის მხრიდან გვხვდება ღია ავტოსადგომები, უკანა ეზოში კი გვაქვს პირადი დასასვენებელი სივრცეები აუზებით
სახლის გაბარიტული ზომებისა და ორიენტაციის დამსახურებით მოვახერხეთ უკანა ეზოების პრივატულობის შენარჩუნება, რაც ძალიან მნიშვნელოვანია სწორი დასვენებისთვის
ურბანული პროექტი-არქიტექტურული პროექტი - კონსტრუქციული პროექტი - საინჟინრო კომუნიკაციების სქემები - 3D ვიზუალიზაცია - გეგმარებითი ნახაზები - სანებართვო მენეჯმენტი
ურბანისტი - ოთო ხელაშვილი