ახლოვდება მსოფლიოსთვის მორიგი უმნიშვნელოვანესი სპორტული ღონისძიება – ზაფხულის ოლიმპიადა, რომელიც წელს პარიზში გაიმართება, 26 ივლისიდან – 11 აგვისტოს პერიოდში.
ოლიმპიური სტადიონები – ამ ბლოგში გაგაცნობთ ჩვენი არქიტექტურული საპროექტოს ფავორიტებს
1. Günter Behnisch’s Olympiastadion Munich
ოლიმპიასტადიონი მიუნხენში, რომელიც დააპროექტა არქიტექტორმა გერმანელი გიუნტერ ბენიშმა, ქალაქის უმნიშვნელოვანესი ღირსშესანიშნაობაა, რომელიც აშენდა 1972 წლის ზაფხულის ოლიმპიადისთვის. კომპლექსი ცნობილია თავისი ინოვაციური და გასაოცარი დიზაინით, რომელიც მოიცავდა ტილოებისა და კარვების მსგავსი სახურავის სტრუქტურას. სტადიონი მასპინძლობდა სხვადასხვა ღონისძიებებს ოლიმპიადის დროს და თანამედროვე არქიტექტურაში სპორტული მოედნების დიზაინის საკულტო სიმბოლოდ არის აღიარებული
2. Santiago Calatrava’s Olympic Athletic Center of Athens
ოლიმპიური სპორტული ცენტრი ათენში, ასევე ცნობილი, როგორც ათენის ოლიმპიური სტადიონი “OAKA“, აშენდა 1982 წელს, იმ წლის ხმელთაშუა ზღვის თამაშების სამასპინძლოდ. მოგვიანებით იგი გარემონტდა და გაფართოვდა 2004 წლის ათენში ჩატარებული ზაფხულის ოლიმპიადისთვის. ესპანელი სანტიაგო კალატრავას პროექტით შექმნილი ცნობილი სახურავი კომპლექსს 2004 წელსვე დაემატა
3. Kenzo Tange’s Yoyogi National Gymnasium
იაპონელი კენზო ტანგეს იოიოგის ეროვნული გიმნაზიუმი ტოკიოში, იაპონია, დასრულდა 1964 წელს. იგი აშენდა სპეციალურად 1964 წლის ზაფხულის ოლიმპიადისთვის. გიმნაზიუმი ცნობილია თავისი ინოვაციური დიზაინით და ტოკიოს არქიტექტურულ ღირსშესანიშნაობად იქცა
4. Herzog & de Meuron’s Beijing Stadium
პრიცკერის პრემიის მფლობელი Herzog & de Meuron-ის ბეიჯინგის ეროვნული სტადიონი, ასევე ცნობილი, როგორც ჩიტის ბუდე, დასრულდა 2008 წელს. იგი აშენდა 2008 წლის ზაფხულის ოლიმპიადისთვის სამასპინძლოდ. სტადიონის უნიკალური და რთული ფოლადის კონსტრუქცია, რომელიც ჩიტის ბუდეს წააგავს, ამ ოლიმპიადის ერთ-ერთ საკულტო სიმბოლოდ იქცა
5. Zaha Hadid’s London Aquatics Centre
ზაჰა ჰადიდის London Aquatics Center-ის მშენებლობა დასრულდა 2011 წელს. ცენტრი აშენდა 2012 წლის ზაფხულის ოლიმპიადისთვის, რომელიც ჩატარდა ლონდონში, გაერთიანებულ სამეფოში. Aquatics ცენტრი გამოირჩევა ტალღის მსგავსი სახურავის დიზაინით თვალსაჩინო ღირსშესანიშნაობაა ლონდონის ოლიმპიურ პარკში
