საპროექტო ტერიტორია მდებარეობს თბილისში, კოჯორში
ტერიტორიის რელიფში ფიქსირდება 1.5 მ-იანი ქანობი სამხრეთ-დასავლეთიდან ჩრდილო-აღმოსავლეთისკენ , სამანქანე გზა გადის სამხრეთ-დასვლეთის მხრიდან. ნაკვეთის ფორმა არის მართკუთხედი
საპროექტო ობიექტს წარმოადგენს ინდივიდუალური ერთბინიანი საცხოვრებელი სახლი, რომელიც მესაკუთრეებისთვის შეასრულებს ძირითადი საცხოვრებელი სახლის ფუნქციას
პროექტირებისას ძირითადი იდეა განაპირობა ხედმა, რომელიც აღიქმება ნაკვეთის ჩრდილო-აღმოსავლეთით. ასევე ირგვლივ ხეების მდებარეობამ ფაქტობრივად განსაზღვრა შენობის ფორმა, ხოლო რელიეფმა ძირითადი ეზოს მდებარეობა
შენობის განთავსება გადაწყდა სამხრეთ-დასავლეთ მხარეს. შენობა ორიენტირებულია ხედზე და ეზოზე. სამანქანე პანდუსი მოწყობილია ჩრდილო-დასავლეთის მხრიდან
პროექტის დეტალები
სახლს გააჩნია სარდაფი, სადაც ვხვდებით შიდა კიბით, სარდაფში მოწყობილი იქნება დამხმარე სათავსოები, ხოლო პირველ (ძირითად) სართულზე მოწყობილია ტამბური, საკუჭნაო, სან. კვანძი, კიბის უჯრედი, მისაღები ზონა, სამზარეულო, სასადილო ზონა და საძინებელი. მეორე სართულზე - 5 საძინებელი, კაბინეტი, სან. კვანძი და კიბის უჯრედი. კიბის უჯრედით ავდივართ სახურავზე, სადაც მოეწყობა ღია ტერასა
თანამედროვე არქიტექტურა
შენობის კარკასს შეადგენს მონოლითური ბეტონი, შემავსებლად გამოყენებულია ბედეგის ბლოკები, ხოლო ღიობებად ალუმინის ვიტრაჟები, პოლიამიდის თერმოხიდით. შენობის ნაწილი მოპირკეთბულია ბეტონით, ვიტრაჟებთან მოპირკეთებულია WPC-ის კომპოზიტური პანელებით, ხოლო ვიტრაჟების თავზე შეღებილია შავად-ვიტრაჟის ალათის ფერში
- არქიტექტურული პროექტი - კონსტრუქციული პროექტი - საინჟინრო კომუნიკაციების სქემები - 3D ვიზუალიზაცია - გეგმარებითი ნახაზები - სანებართვო მენეჯმენტი
მთავარი არქიტექტორი - სანდრო ოთარაშვილი